Кыйноолорду алдын алуу боюнча КР Улуттук борборунун кызматкерлери бийликти күч менен басып алууну пландаштырган деп шектелгендер менен жолугушту

Парламенттик шайлоодон кийин Кыйноолорду жана башка катаал, адамгерчиликсиз же кадыр-баркты басмырлаган мамиленин жана жазанын түрлөрүн алдын алуу боюнча Кыргыз Республикасынын Улуттук борборунун кызматкерлери бийликти күч менен басып алууну пландаштырган деген күнөө менен шектелип, кармалгандарга барып жолугушту. Алар КР Юстиция министрлигинин Жазаларды аткаруу кызматынын №21 мекемесинде камалып отурушат. Сүйлөшүүнүн жүрүшүндө укук коргоо органдарынын кызматкерлери тарабынан кыйноо жана ырайымсыз мамиле жасоо боюнча арыз-даттануулар болгон жок.